Por 365 días de respecto e igualdade. CPI Plurilingüe Cabo da Area

 O Plan Proxecta "Por 365 días de respecto e igualdade" do CPI Plurilingüe Cabo da Area acolleu no centro, entre o 8 e 20 de marzo de 2024, a exposición gráfica "Á violencia de xénero dille...NON!". En once láminas, os creadores desta iniciativa ilustrada axudan aos máis novos a recoñecer, identificar e rexeitar condutas sexistas e nocivas nas súas relacións afectivas.

  O Plan Proxecta “Por 365 días de respecto e igualdade” do CPI Plurilingüe Cabo da Area, en colaboración cos integrantes do club de lectura "Libros ao Cabo", elaboraron unha guía con recomendacións lectoras sobre feminismo e igualdade para celebrar o Día da Muller (8 de marzo). Trátase dunha colección cada vez máis ampla e diversa na que se inclúen desde manuais clásicos sobre o movemento feminista, guías orientativas e pedagóxicas, ata lecturas máis recreativas que, por medio do humor e a ironía, ofrecen unha visión da realidade diferente, fresca, actual, na que os nosos alumnos e alumnas poden verse reflictidos de forma máis directa e amena. Podedes acceder ao padlet que reúne esta colección na seguinte ligazón:  https://padlet.com/porteiro_ana/feminismo-e-igualdade-b26ygzk3dp154e3