Benvida

 Benvidos ao blog do Proxecta "Por 365 días de respecto e igualdade" do CPI Plurilingüe Cabo da Area para o curso 2023-2024!


Dedicaremos este espazo á organización e difusión de actividades propostas e novas arredor da importancia da loita pola igualdade individual e social en todas as ordes da vida, pero especialmente no ámbito educativo, pois consideramos que se trata dun dos eidos fundamentais desde o que debemos potenciar a convivencia harmónica e a paridade de oportunidades, dereitos, recoñecemento, dignidade e consideración entre todos os seres humanos. 

Comentarios

Publicar un comentario

Entradas populares de este blog

A violencia de xénero e o sexismo nos medios de comunicación

Imagen
  O 11 de marzo, o alumnado de 4º ESO participou nunha charla sobre a violencia de xénero e o sexismo na publicidade, nos medios audiovisuais e nas redes sociais. Nela, abordáronse os roles de xénero que aparecen frecuentemente nos anuncios de xoguetes, perfumes, roupa..., e o uso tanto do corpo das mulleres como dos homes como meros obxectos. Tamén se mostraron anuncios libres de estereotipos que, aínda que non son moitos, comezan a aparecer. Incidiuse tamén nas cualidades que se esperan dos homes e das mulleres nestes tres ámbitos e na presenza estigmatizada na música adolescente.
Leer más

Exposición "Cartas de amor"

Imagen
Desde o pasado 10 de abril, o centro acolle a exposición "Cartas de amor". Trátase dunha mostra da ilustración galega sobre a violencia de xénero, con debuxos de artistas como Miguel Calatayud, Patricia Castelao, Fausto Isorna, Pirusca, José Luís Méndez, Jack Mircala ou Javier Olivares.  A exposición pretende sensibilizar ao alumnado sobre a existencia de violencia nas súas formas de relacionarse, ademais de axudar a detectarla e a eliminala. Con “Cartas de Amor”, establécese un paralelismo entre o mundo romántico das primeiras relacións de parella e a crueldade que, ás veces, se ve asociada a elas.
Leer más

Algo entre nós

Imagen
  O alumnado de 2º ESO participou na dinámica "Algo entre nós" durante cinco sesións do segundo trimestre do curso. Esta plataforma interactiva centrada na prevención da violencia machista nas relacións adolescentes propuxo cinco retos á clase.  Mar Gómez, profesora de Inglés e titora do grupo de 2º ESO, levou a cabo esta dinámica na que o alumnado participou de xeito moi activo. A formación recibida permitiulles reflexionar sobre a realidade que os rodea e as experiencias que viven.  No primeiro reto, tiveron que crear os seus propios avatares (un masculino e un feminino) que debían representar o seu físico, vestimenta e personalidade.  No segundo reto, tiveron que poñerse na pel de adolescentes coma eles no seo dunha relación de parella. Reflexionaron sobre os mitos do amor romántico que moitas veces están asimilados pola sociedade como algo natural.  No terceiro reto, analizaron a escaleira da violencia machista a través dunhas mensaxes de WhatsApp que se env...
Leer más