Por 365 días de respecto e igualdade. CPI Plurilingüe Cabo da Area

Desde o pasado 10 de abril, o centro acolle a exposición "Cartas de amor". Trátase dunha mostra da ilustración galega sobre a violencia de xénero, con debuxos de artistas como Miguel Calatayud, Patricia Castelao, Fausto Isorna, Pirusca, José Luís Méndez, Jack Mircala ou Javier Olivares.  A exposición pretende sensibilizar ao alumnado sobre a existencia de violencia nas súas formas de relacionarse, ademais de axudar a detectarla e a eliminala. Con “Cartas de Amor”, establécese un paralelismo entre o mundo romántico das primeiras relacións de parella e a crueldade que, ás veces, se ve asociada a elas.

  O 11 de marzo, o alumnado de 4º ESO participou nunha charla sobre a violencia de xénero e o sexismo na publicidade, nos medios audiovisuais e nas redes sociais. Nela, abordáronse os roles de xénero que aparecen frecuentemente nos anuncios de xoguetes, perfumes, roupa..., e o uso tanto do corpo das mulleres como dos homes como meros obxectos. Tamén se mostraron anuncios libres de estereotipos que, aínda que non son moitos, comezan a aparecer. Incidiuse tamén nas cualidades que se esperan dos homes e das mulleres nestes tres ámbitos e na presenza estigmatizada na música adolescente.

  O pasado 28 de xaneiro, o alumnado de 4º ESO participou na charla “A nova escravitude do século XXI. Trata de seres humanos con fins de explotación sexual, outra forma de violencia de xénero”. A charla da a coñecer unha realidade que no día a día adoita pasar desapercibida, non sendo conscientes na maior parte das ocasións doutro tipo de violencias que están moi vinculadas coa violencia por razón de xénero. O seu obxectivo é proporcionar ás mozas e mozos galegos, dende a escola, formación e ferramentas que lles permitan coñecer e recoñecer a violencia contra as mulleres, e actuar na súa prevención, fomentando a autoestima, a autonomía, o coñecemento da construción social das súas identidades sexuais e a asignación de roles, o que permitirá traballar na eliminación de estereotipos sexistas e de falsas crenzas.

  O 11 de decembro, o alumnado de 2º ESO do centro asistiu na biblioteca do edificio de secundaria á representación da peza teatral Golpes , protagonizada pola actriz Estíbaliz Veiga, a cargo da compañía Aantena. O obxectivo da escenificación é amosar ao espectador como nas accións máis cotiás emerxe a desigualdade e a violencia machista. A obra procura que os seus receptores identifiquen estas situacións e tomen conciencia de que hai que loitar para conseguir un mundo cada vez máis paritario, libre da lacra da violencia de xénero.

  Alexandre Soto, docente de Xeografía e Historia, realizou esta actividade co alumnado de 3º ESO. A través desta dinámica, os/as estudantes coñeceron a evolución da loita polo dereito ao sufraxio feminino. A tarefa dividiuse en tres bloques.  O primeiro iniciouse coa visualización dun vídeo editado polo Congreso dos Deputados, onde, de xeito didáctico, se amosa a evolución da loita polo dereito ao voto e as principais valedoras da causa en España.  O seguinte bloque supuxo a realización dun debate onde o alumnado expuxo as súas opinións sobre o filme e a causa sufraxista en España.  Para rematar, cada estudante, de maneira individual, completou unha ficha de reflexión sobre a visualización do vídeo, respondendo a unha batería de cuestións preparadas polo profesor e entregadas a través da aula virtual do centro. - Que constitución recoñecía o dereito ao voto en España? - Que dereitos conseguiron as mulleres nesa Constitución? - Cando se iniciou o feminismo ...

O Plan Proxecta "Por 365 días de respecto e igualdade" do CPI Plurilingüe Cabo da Area preparou unha compilación de obras de carácter feminista para incentivar os proxectos da comunidade educativa do centro arredor da igualdade de xénero e a inclusión. Acada un posto preponderante a colección de novelas gráficas protagonizadas por Lola Vendetta, de Raquel Riba. O personaxe de Lola Vendetta naceu como alter ego da autora, cuxos deseños pretenden visibilizar as dificultades que sofren moitas mulleres na actualidade: a inestabilidade laboral, as esixencias familiares, os ciumes sentimentais, os micromachismos, a violencia doméstica, a vulnerablidade, a identidade sexual, a expresión das emocións... Pero, ademais, a través da súa protagonista, a artista gráfica pon de manifesto tamén a loita da muller cara a independencia, a procura da súa aceptación persoal e do amor propio, como abandeirada da liberdade e do ecofeminismo. Esta compilación atende tamén a outras realidades inclu...